MKE MTARAJIWA WA MR. CHOCOLATE KUJULIKANA...!!

Zikiwa zimesalia siku chache kabla ya Rais wa lebo ya Sharobaro Records ya jijini Dar es Salaam, Raheem Nanji ‘Bob Junior’ kufunga pingu za maisha, kimwana anayetarajiwa kupika mahajumuti nyumbani kwa bosi huyo wa wasafi dunia nzima amejulikana.

Kwa mujibu wa habari kutoka chanzo kimoja kilichopo mjini Zanzibar, kimeidokeza Zakitaani Blog pamoja na Teentz.com kuwa Bob Junior huenda akafunga pingu za maisha na nyota wa filamu kutoka visiwani humo Halima Ally ‘Imma’ ambaye kwa kipindi kirefu amekuwa karibu kwa kiasi kikubwa na Produza huyo kila anaikanyaga ardhi ya visiwa hivyo vya karafuu.

Hakuna mwingine ni Halima, siku zote Bob junior amekuwa akija huku na tunawaona wakitumia muda mwigi wakiwa pamoja hivyo ni uhakika kuwa Halima ndiye anayeolewa, na hapo kabla  mwenyewe aliwahi kutuambia kuwa wakati wowote atakuwa mke wa mtu” kilisema chanzo hicho na kuongeza kuwa kuna wakati mrembo huyo aliwahi kuishi nyumbani kwa akina Bob Junior kwa majuma kadhaa.

 Halima alikuwa mmoja wa mastaa walioshiriki filamu ya Royal Prince iliyotayarishwa visiwani humo chini ya kampuni kubwa El- Fahad Production anatariwa kutambulishwa rasmi kama mke wa Bob Junior mbele ya mashabiki wakati bosi huyo wa Sharabaro atakapokuwa anafanya uzinduzi wa albamu yake ndani ya Club Billicannas jijini Dar es Salaam.